OS MÉTODOS NATURAIS
Descúbreos na clínica interactiva
dalle ó play e escolle
Preservativo
masculino
Preservativo
feminino
Diafragma
Capuchón
cervical
Esponxa
vaxinal
Espermicidas
Pílula
Parche
Anel
Hai máis métodos esperándote
Pílula só
xestáxenos
Inxección
trimestral
Implante
DIU
DIU
hormonal
Ligadura
tubárica
Oclusión
tubárica
Vasectomía
Métodos
naturais
ENDEREZO
Rúa Echegaray, 8
36002 / Pontevedra
CONTACTO
email: info@sogac.org
web: www.sogac.org
Copyright © 2021 SOGAC. Todos os dereitos reservados.
¿En que consiste?
Baséanse en recoñecer os cambios que se producen nas fases fértil
(ovulación) e infértil do ciclo menstrual. Durante os días fértiles,
débese evitar o coito ou usar un método de barreira (preservativo).
Aínda que poden ser unha opción atractiva para certas mulleres, de
forma xeral non se recomendan debido á súa baixa eficacia.
Estímase que o 24% das mulleres que usan un método natural
quedarán embarazadas durante o primeiro ano.
Os métodos naturais máis sinxelos de cumprir son o método dos
días fixos e o método dos dous días.
Período fértil do ciclo menstrual
-Tan só se produce unha ovulación por cada ciclo menstrual.
Despois da ovulación, o óvulo só pode ser fecundado como máximo
durante 24 horas.
-Os espermatozoides, en condicións de máxima fertilidade, non
sobreviven máis de 5 días no corpo da muller.
A probabilidade de embarazo tras un coito sen protección estímase
en:
- 4% 5 días antes da ovulación
- 25-28% 2 días antes da ovulación
- 8-10% durante as 24 horas posteriores á ovulación
- 0 % nos restantes días do ciclo
Eficacia
Presentan unha baixa eficacia. Na poboación xeral, o índice de Pearl
(nº de embarazos/100 mulleres-ano) é de 24.
Beneficios
-Son gratuítos.
-Ausencia de efectos secundarios.
-Unha vez aprendidos, poden usarse tanto para evitar embarazo
como para concibir.
-Moi útiles en comunidades que non teñen acceso a métodos
anticonceptivos.
Inconvenientes
-Eficacia anticonceptiva baixa, debido á dificultade para cumprilos de
forma correcta e sistemática.
-Dificultade de uso en mulleres con ciclos menstruais irregulares,
durante a lactación, se a menarquia (primeira regra) é recente ou na
premenopausa, porque nestes casos o período fértil da ovulación
pode estar alterado.
-Require a motivación e participación da parella.
-Interfire nas relación sexuais, xa que non se poden manter durante
todo o ciclo.
-Non protexe contra as Infeccións de Transmisión Sexual (ITS).
Método dos días fixos
-En mulleres con ciclos entre 26 e 32 días, considéranse fértiles
os días 8-19, contando a partir do primeiro día de regra.
-É o método natural máis sinxelo de aprender, e tamén o que
require menos días (12) de abstinencia ou de emprego de
métodos de barreira.
Método dos dous días
-Baséase na observación do moco. A muller considerará fértil o
primeiro día que percibe calquera secreción vaxinal, reiniciando
o coito sen protección tras dous días secos consecutivos.
-Resulta máis sinxelo de cumprir que o método do moco cervical.
Método do calendario (método Ogino-Knaus)
Antes de utilizalos, a muller debe anotar a duración dos seus
ciclos polo menos 6 meses. Débese evitar o coito sen protección
durante os días potencialmente fértiles:
-Ó ciclo máis curto réstaselle 18, obtendo así o primeiro día
potencialmente fértil.
-Ó ciclo máis longo réstaselle 11, obtendo así o día último día
potencialmente fértil.
Método do moco cervical
Baséase na observación del moco cervical. No período fértil o
moco cervical é transparente, líquido, elástico e forma fíos,
recordando a unha clara de ovo cru. Considérase o día pico de
moco o último día no que aparece este moco de tipo fértil.
Despois do día pico, o moco faise pegañento, pastoso e opaco,
podendo desaparecer.
-Débese evitar o coito sen protección cando apareza moco ou
sensación de humidade na entrada da vaxina.
-Pódense reiniciar as relacións sen protección 4 días despois do
día do pico de moco (último día de moco transparente e elástico,
que recorda a unha clara de ovo).
Método da temperatura basal
Baséase en que despois da ovulación (período fértil) a
temperatura corporal elévase entre 0,3-0,5 oC. Pasadas 24
horas da ovulación, non existe risco de embarazo.
-Se a subida da temperatura mantense durante 3 días,
considérase que a muller está en período infértil, e pode manter
relacións sen protección ata a próxima menstruación.
-A temperatura basal, para evitar erros na medición, deberá
tomarse tódolos os días nas mesmas condicións: antes de
levantarse da cama, comer, fumar ou ter relacións sexuais, e
usando sempre a mesma vía (oral, rectal ou vaxinal).
Método mucotérmico
Combina o método do moco cervical co da temperatura.
-Débese evitar o coito sen protección cando aparece moco ou
sensación de humidade.
-Pódense reiniciar as relacións sexuais sen protección tras
comprobar durante 3 días consecutivos unha elevación da
temperatura corporal entre 0,3-0,5 0C.
Método ciclotérmico
Combina os métodos do calendario e da temperatura.
-Ó ciclo máis curto réstaselle 18, obtendo así o primeiro día
potencialmente fértil, no que se debe evitar o coito sen
protección.
-Pódense reiniciar as relacións sen protección tras comprobar
durante 3 días consecutivos unha elevación da temperatura
corporal entre 0,3-0,5 0C.
Método sintotérmico
É o método natural máis completo: combina a duración do ciclo,
a observación do moco e o rexistro da temperatura.
-Débese evitar o coito sen protección a partir desde o primeiro
día potencialmente fértil segundo o calendario (o día obtense
restando 18 á duración do ciclo máis curto) ou cando apareza
moco (guiarémonos polo indicador máis precoz).
- Pódense reiniciar as relacións sen protección tras 3 días de
elevación da temperatura e do pico de moco (debemos esperar a
que ambos indicadores concorden).
Método da lactación e a amenorrea (MELA)
Presenta unha taxa de embarazo do 1-2%. Débense cumprir 3
requisitos:
1. Lactación materna exclusiva ou case exclusiva. Recoméndase
que o intervalo entre tomas non sexa superior a 4 horas durante o día e
6 horas durante a noite.
2. Ausencia de regra (amenorrea).
3. O bebé ten menos de 6 meses.
A eficacia deste método é maior durante os 3 primeiros meses
postparto, nos que a probabilidade de embarazo é practicamente nula
se cumpren as seguintes condicións:
- lactación materna exclusiva.
- o bebé mama polo menos 100 minutos ó día.
- mínimo de 5 tomas diarias.
- intervalo entre tomas nunca superior a 6 horas.
Coito interrompido (marcha atrás)
-Non é propiamente un método anticonceptivo. Consiste en
retirar o pene da vaxina antes da exaculación, a cal debe
producirse sempre lonxe da vulva.
-É unha alternativa pouco recomendable debido ó seu gran
número de fallos, xa que poden saír espermatozoides antes da
exaculación.
-Ademais, a medio prazo a súa práctica pode asociarse a
disfuncións sexuais tanto no home como na muller.
-O 22% das mulleres que usan este método quedan
embarazadas durante o primeiro ano.
